Difference between revisions of "Main Page"

From Wikishire
Jump to: navigation, search
m
(Anglicised the holding page!)
Line 4: Line 4:
 
[[Image:abc.gif|right]]
 
[[Image:abc.gif|right]]
  
<span style="font-size:150%">'''L'''</span>orem ipsum dolor sit amet, consectetur adipiscing elit. Cras sollicitudin, est in pulvinar congue, lorem metus ultrices lacus, sed ultrices ante enim id ligula. Cum sociis natoque penatibus et magnis dis parturient montes, nascetur ridiculus mus. Donec pulvinar hendrerit sollicitudin. Nullam eget arcu pharetra justo semper tristique in eget justo. Quisque quis commodo justo. Fusce rutrum, lacus vitae hendrerit tincidunt, tortor orci ultrices justo, sit amet auctor ante est sit amet ipsum. Integer ac lectus nibh, nec egestas libero. Pellentesque eu est mi, eu tristique nunc. Duis auctor, odio eu pharetra placerat, nisi sapien fermentum lacus, id iaculis leo orci eu odio. Etiam bibendum lacinia tellus imperdiet pretium.
+
<span style="font-size:150%">'''OFT'''</span> him anhaga are gebideð, metudes miltse, þeah þe he modcearig geond lagulade longe sceolde hreran mid hondum hrimcealde sæ wadan wræclastas. Wyrd bið ful aræd! Swa cwæð eardstapa, earfeþa gemyndig, wraþra wælsleahta, winemæga hryre:  Oft ic sceolde ana uhtna gehwylce  mine ceare cwiþan. Nis nu cwicra nan  þe ic him modsefan minne durre  sweotule asecgan. Ic to soþe wat  þæt biþ in eorle indryhten þeaw, þæt he his ferðlocan fæste binde, healde his hordcofan, hycge swa he wille. Ne mæg werig mod wyrde wiðstondan, ne se hreo hyge helpe gefremman. Forðon domgeorne dreorigne oft  in hyra breostcofan bindað fæste;  swa ic modsefan minne sceolde, oft earmcearig, eðle bidæled, freomægum feor feterum sælan, siþþan geara iu goldwine minne  hrusan heolstre biwrah, ond ic hean þonan  wod wintercearig ofer waþema gebind, sohte seledreorig sinces bryttan, hwær ic feor oþþe neah findan meahte  þone þe in meoduhealle mine wisse,  oþþe mec freondleasne frefran wolde,  wenian mid wynnum. Wat se þe cunnað  hu sliþen bið sorg to geferan  þam þe him lyt hafað leofra geholena:  warað hine wræclast, nales wunden gold, ferðloca freorig, nalæs foldan blæd. Gemon he selesecgas ond sincþege,  hu hine on geoguðe his goldwine  wenede to wiste. Wyn eal gedreas!  Forþon wat se þe sceal his winedryhtnes  leofes larcwidum longe forþolian:  ðonne sorg ond slæð somod ætgædre  earmne anhogan oft gebindað. þinceð him on mode þæt he his mondryhten  clyppe ond cysse, ond on cneo lecge  honda ond heafod, swa he hwilum ær  in geardagum giefstolas breac. Ðonne onwæcneð eft wineleas guma,  gesihð him biforan fealwe wegas,  baþian brimfuglas, brædan feþra,  hreosan hrim ond snaw hagle gemenged. Þonne beoð þy hefigran heortan benne,  sare æfter swæsne. Sorg bið geniwad  þonne maga gemynd mod geondhweorfeð;  greteð gliwstafum, georne geondsceawað  secga geseldan; swimmað oft on weg  fleotendra ferð no þær fela bringeð  cuðra cwidegiedda. Cearo bið geniwad  þam þe sendan sceal swiþe geneahhe  ofer waþema gebind werigne sefan. Forþon ic geþencan ne mæg geond þas woruld  for hwan modsefa min ne gesweorce  þonne ic eorla lif eal geondþence, hu hi færlice flet ofgeafon, modge maguþegnas. Swa þes middangeard  ealra dogra gehwam dreoseð ond fealleð;  forþon ne mæg weorþan wis wer, ær he age  wintra dæl in woruldrice. Wita sceal geþyldig,  ne sceal no to hatheort ne to hrædwyrde,  ne to wac wiga ne to wanhydig,  ne to forht ne to fægen, ne to feohgifre  ne næfre gielpes to georn, ær he geare cunne. Beorn sceal gebidan, þonne he beot spriceð,  oþþæt collenferð cunne gearwe  hwider hreþra gehygd hweorfan wille. Ongietan sceal gleaw hæle hu gæstlic bið,  þonne ealre þisse worulde wela weste stondeð,  swa nu missenlice geond þisne middangeard  winde biwaune weallas stondaþ,  hrime bihrorene, hryðge þa ederas. Woriað þa winsalo, waldend licgað  dreame bidrorene, duguþ eal gecrong,  wlonc bi wealle. Sume wig fornom,  ferede in forðwege, sumne fugel oþbær  ofer heanne holm, sumne se hara wulf  deaðe gedælde, sumne dreorighleor  in eorðscræfe eorl gehydde. Yþde swa þisne eardgeard ælda scyppend  oþþæt burgwara breahtma lease  eald enta geweorc idlu stodon. Se þonne þisne wealsteal wise geþohte  ond þis deorce lif deope geondþenceð,  frod in ferðe, feor oft gemon  wælsleahta worn, ond þas word acwið:  Hwær cwom mearg? Hwær cwom mago?  Hwær cwom maþþumgyfa?  Hwær cwom symbla gesetu? Hwær sindon seledreamas?  Eala beorht bune! Eala byrnwiga!  Eala þeodnes þrym! Hu seo þrag gewat,  genap under nihthelm, swa heo no wære. Stondeð nu on laste leofre duguþe  weal wundrum heah, wyrmlicum fah. Eorlas fornoman asca þryþe,  wæpen wælgifru, wyrd seo mære,  ond þas stanhleoþu stormas cnyssað,  hrið hreosende hrusan bindeð,  wintres woma, þonne won cymeð,  nipeð nihtscua, norþan onsendeð  hreo hæglfare hæleþum on andan. Eall is earfoðlic eorþan rice,  onwendeð wyrda gesceaft weoruld under heofonum. Her bið feoh læne, her bið freond læne, her bið mon læne, her bið mæg læne, eal þis eorþan gesteal idel weorþeð!  Swa cwæð snottor on mode, gesæt him sundor æt rune. Til biþ se þe his treowe gehealdeþ, ne sceal næfre his torn to rycene  beorn of his breostum acyþan, nemþe he ær þa bote cunne,  eorl mid elne gefremman. Wel bið þam þe him are seceð,  frofre to Fæder on heofonum, þær us eal seo fæstnung stondeð
 
+
Suspendisse potenti. Sed vel tempus dolor. Sed hendrerit justo sed tellus imperdiet eu aliquet nulla aliquet. Sed dictum libero egestas mi tempus facilisis. Phasellus dignissim purus vitae lectus vestibulum congue. Nulla imperdiet, enim et luctus molestie, erat tortor consequat sapien, sed blandit eros risus pretium tellus. Donec ut metus felis. Morbi blandit elit sit amet lectus scelerisque ac suscipit lectus iaculis. Cras vestibulum, augue in eleifend tempor, dui eros porta ipsum, eu semper neque lacus eget arcu. Fusce consectetur leo quis orci ullamcorper id pharetra nulla aliquam. Mauris fermentum scelerisque hendrerit. Sed laoreet odio quis ipsum sodales id interdum lorem porttitor. Ut mattis nunc in risus vulputate suscipit. Sed condimentum pretium posuere. Pellentesque sed diam vel nisl tempor dapibus.
+
 
+
Ut quis orci nec erat lacinia sagittis non non nulla. Curabitur convallis augue a dolor ullamcorper vel condimentum sapien luctus. Duis non dignissim dui. Proin mi lorem, consequat vitae posuere at, molestie volutpat nibh. Proin vestibulum vulputate enim, id imperdiet mi euismod at. Nulla id eros a felis facilisis malesuada a ut est. Donec eget quam at neque dictum tincidunt eu eu mi. Aliquam nec ornare justo. Cras sollicitudin fermentum sem eu tempus. Pellentesque eget est nec felis scelerisque iaculis in vitae velit. Morbi tincidunt nibh aliquam quam lobortis vel malesuada risus fermentum. In scelerisque aliquam lorem vitae hendrerit. Praesent facilisis elit vitae ante pharetra facilisis. Morbi molestie gravida imperdiet. Vestibulum vitae faucibus dolor. Fusce ultrices, lacus at condimentum ornare, odio metus dignissim nisi, vel cursus velit urna ultricies neque. Mauris non libero lacus, ac feugiat sapien. Aenean dapibus dignissim tortor, ac consequat purus tincidunt id. Nunc et lacus lorem.
+

Revision as of 15:44, 17 August 2010

Welcome to Wikishire

Abc.gif

OFT him anhaga are gebideð, metudes miltse, þeah þe he modcearig geond lagulade longe sceolde hreran mid hondum hrimcealde sæ wadan wræclastas. Wyrd bið ful aræd! Swa cwæð eardstapa, earfeþa gemyndig, wraþra wælsleahta, winemæga hryre: Oft ic sceolde ana uhtna gehwylce mine ceare cwiþan. Nis nu cwicra nan þe ic him modsefan minne durre sweotule asecgan. Ic to soþe wat þæt biþ in eorle indryhten þeaw, þæt he his ferðlocan fæste binde, healde his hordcofan, hycge swa he wille. Ne mæg werig mod wyrde wiðstondan, ne se hreo hyge helpe gefremman. Forðon domgeorne dreorigne oft in hyra breostcofan bindað fæste; swa ic modsefan minne sceolde, oft earmcearig, eðle bidæled, freomægum feor feterum sælan, siþþan geara iu goldwine minne hrusan heolstre biwrah, ond ic hean þonan wod wintercearig ofer waþema gebind, sohte seledreorig sinces bryttan, hwær ic feor oþþe neah findan meahte þone þe in meoduhealle mine wisse, oþþe mec freondleasne frefran wolde, wenian mid wynnum. Wat se þe cunnað hu sliþen bið sorg to geferan þam þe him lyt hafað leofra geholena: warað hine wræclast, nales wunden gold, ferðloca freorig, nalæs foldan blæd. Gemon he selesecgas ond sincþege, hu hine on geoguðe his goldwine wenede to wiste. Wyn eal gedreas! Forþon wat se þe sceal his winedryhtnes leofes larcwidum longe forþolian: ðonne sorg ond slæð somod ætgædre earmne anhogan oft gebindað. þinceð him on mode þæt he his mondryhten clyppe ond cysse, ond on cneo lecge honda ond heafod, swa he hwilum ær in geardagum giefstolas breac. Ðonne onwæcneð eft wineleas guma, gesihð him biforan fealwe wegas, baþian brimfuglas, brædan feþra, hreosan hrim ond snaw hagle gemenged. Þonne beoð þy hefigran heortan benne, sare æfter swæsne. Sorg bið geniwad þonne maga gemynd mod geondhweorfeð; greteð gliwstafum, georne geondsceawað secga geseldan; swimmað oft on weg fleotendra ferð no þær fela bringeð cuðra cwidegiedda. Cearo bið geniwad þam þe sendan sceal swiþe geneahhe ofer waþema gebind werigne sefan. Forþon ic geþencan ne mæg geond þas woruld for hwan modsefa min ne gesweorce þonne ic eorla lif eal geondþence, hu hi færlice flet ofgeafon, modge maguþegnas. Swa þes middangeard ealra dogra gehwam dreoseð ond fealleð; forþon ne mæg weorþan wis wer, ær he age wintra dæl in woruldrice. Wita sceal geþyldig, ne sceal no to hatheort ne to hrædwyrde, ne to wac wiga ne to wanhydig, ne to forht ne to fægen, ne to feohgifre ne næfre gielpes to georn, ær he geare cunne. Beorn sceal gebidan, þonne he beot spriceð, oþþæt collenferð cunne gearwe hwider hreþra gehygd hweorfan wille. Ongietan sceal gleaw hæle hu gæstlic bið, þonne ealre þisse worulde wela weste stondeð, swa nu missenlice geond þisne middangeard winde biwaune weallas stondaþ, hrime bihrorene, hryðge þa ederas. Woriað þa winsalo, waldend licgað dreame bidrorene, duguþ eal gecrong, wlonc bi wealle. Sume wig fornom, ferede in forðwege, sumne fugel oþbær ofer heanne holm, sumne se hara wulf deaðe gedælde, sumne dreorighleor in eorðscræfe eorl gehydde. Yþde swa þisne eardgeard ælda scyppend oþþæt burgwara breahtma lease eald enta geweorc idlu stodon. Se þonne þisne wealsteal wise geþohte ond þis deorce lif deope geondþenceð, frod in ferðe, feor oft gemon wælsleahta worn, ond þas word acwið: Hwær cwom mearg? Hwær cwom mago? Hwær cwom maþþumgyfa? Hwær cwom symbla gesetu? Hwær sindon seledreamas? Eala beorht bune! Eala byrnwiga! Eala þeodnes þrym! Hu seo þrag gewat, genap under nihthelm, swa heo no wære. Stondeð nu on laste leofre duguþe weal wundrum heah, wyrmlicum fah. Eorlas fornoman asca þryþe, wæpen wælgifru, wyrd seo mære, ond þas stanhleoþu stormas cnyssað, hrið hreosende hrusan bindeð, wintres woma, þonne won cymeð, nipeð nihtscua, norþan onsendeð hreo hæglfare hæleþum on andan. Eall is earfoðlic eorþan rice, onwendeð wyrda gesceaft weoruld under heofonum. Her bið feoh læne, her bið freond læne, her bið mon læne, her bið mæg læne, eal þis eorþan gesteal idel weorþeð! Swa cwæð snottor on mode, gesæt him sundor æt rune. Til biþ se þe his treowe gehealdeþ, ne sceal næfre his torn to rycene beorn of his breostum acyþan, nemþe he ær þa bote cunne, eorl mid elne gefremman. Wel bið þam þe him are seceð, frofre to Fæder on heofonum, þær us eal seo fæstnung stondeð